Wednesday, April 14, 2021

We recently launched so if you see any technical glitches please email us at: dtimsina@bhutannewsservice.org

बिसिसी बोर्डमा पाँच युवा

Must Read

ह्यारिसवर्गमा विष्णु पुराण विशेष कार्यक्रम हुँदै

ह्यारिसवर्ग (पेन्सलभेनिया) । पेन्सलभेनिया राज्यको ह्यारिसवर्गमा बिहिबारदेखि पञ्च दिवसीय श्री विष्णु पुराणको आयोजना हुने भएको छ । उक्त कार्यक्रम...

समायोजनका लागि आयोजित सम्मेलनमा नेपाली-भाषी बालबालिका

कोलम्बस । अमेरिकाको ओहायो राज्यको कोलम्बसमा आयोजित वार्षिक युवा सम्मेलनमा नेपाली-भाषी बालबालिका तथा किशोर-किशोरीले उल्लेख्य सहभागिता जनाएका छन् ।...

गीता आध्यात्मिक सम्मेलन – २०१९ ओहायोमा सम्पन्न

कोलम्बस । तीन दिने गीता आध्यात्मिक सम्मेलन – २०१९ ओहायो राज्यको कोलम्बसमा आइतबार (जुलाई २८) सम्पन्न भएको छ ।...

सिन्सिन्याटी (ओहायो) । भूट्निज कम्युनिटी अफ सिन्सिन्याटी (बिसिसी) ले आफ्नो बोर्डमा युवाहरूलाई डिसेम्बर १७ सोमबार छानेको छ । पाँच जना युवा यसपटकको छनौटमा पर्नुभएको छ । भविष्यमा समुदायको नेतृत्व सम्हाल्ने जनशक्ति तयार पार्न युवाहरूलाई जिम्मेवारी दिइएको संस्थाले जनाएको छ ।

मिलन पोखरेललाई सञ्चार विभाग, कृष्ण आचार्यलाई सांस्कृतिक सचिव, मुना भण्डारीलाई स्वास्थ्य-बिमाको काम, रमेश अधिकारीलाई जनसम्पर्क सचिव, र टेक धिताललाई शैक्षिक सचिवको जिम्मेवारी दिइएको छ । मुना यसअघि बोर्डमा हुनुहुन्थ्यो । यसपटक नयाँ जिम्मेवारी दिइएको हो ।

कार्यकारी–निर्देशक यादव सापकोटा भन्नुहुन्छ, ”कार्यकारी बोर्डसहितको संस्थाको संरचना हेर्दा अब बोर्डमा युवाहरू बहुमतमा हुनुहुन्छ ।”

बिसिसीअन्तर्गत युवा समेट्न भूट्निज युथ कमिटी (बिवाइसी) को कल्पना गरिएको छ । युवा समितिले देउसीबाट उठाएको रकमसहित करिब १ हजार ३ डलरमा जाडोका लागि लत्ताकपडा वितरण गर्दैछ । यस्तो सहयोग एकल अभिभावक, न्युन आय भएको परिवार आदिलाई कार्यालय र घर-घरमा गएर दिँइदैछ ।

बिसिसीको स्थापना सन् २०१२ मा भएको हो । कार्यकारी–निर्देशकमा यादव सापकोटाले गत अक्टोबर १७ मा पदभार सम्हाल्नु भएको हो । यसअघि खेम रिजाल उक्त पदमा हुनुहुन्थ्यो । यादव र खेम दुवै युवा हुनुहुन्छ ।

Latest News

बिएएससीको दशौं टुर्नामेन्ट अर्को वर्ष जुलाईमा

पेन्सलभेनिया । भूट्निज अमेरिकन स्पोर्ट्स काउन्सिल (बिएएससी) को दशौं टुर्नामेन्ट अर्को वर्ष जुलाईमा हुने भएको छ । संस्थाको १०...

More Articles Like This