Wednesday, April 14, 2021

We recently launched so if you see any technical glitches please email us at: dtimsina@bhutannewsservice.org

म भवानी, म भरोसा

Must Read

श्रीरामचरितमानस- नेपाली भाषामा पनि

सोह्रौ शताव्दीमा गोस्वामी तुलसीदासद्वरा रचित ‘श्रीरामचरितमानस ’ ग्रंथ विश्व प्रसिद्ध मधुरतम ग्रंथ हो।वर्तमान  समयमा हिन्दू जगतमा...

मारुतीनन्दन पञ्चाङ्गमाथि कोलम्बसमा छलफल सम्पन्न

नेपाली सम्वाददाता / कोलम्बस, ओहायो        विगत पाँच वर्षदेखि प्रकाशनमा ल्याएको मारुतीनन्दन नेपाली पञ्चाङ्ग तथा भित्तेपात्रोको छैठौ प्रकाशन गत आइतबार...

संस्कृत कक्षा सन्चालन

सि.एम. निरौला/ ह्यारिस्बर्ग जेट वाल्डले ह्यारिस्बर्गमा संस्कृत कक्षा सन्चालनमा ल्याएको छ। यो तेस्रो समुह हो ! सो कक्षालाई प्रज्ञ कक्षको नामले चिनिने गरेको छ। हिन्दु...

लेखक
लेखक

राजेश कोइराला

मेरो नाम भवानी दंगाल हो । म भूटानको ललाई भन्ने ठाउँमा जन्मेको हुँ । अरू भूटानी जस्तै हाम्रो परिवार भूटानबाट लखेटिएको हो । हामी भारत हुँदै नेपाल आएका हौँ । म नेपालमा हुर्केको हुँ ।

मेरो कथा अरूको भन्दा भिन्न छ । म कान सुन्दिनँ । म ९ वर्षको भएपछि कान सुन्न छाडेको हुँ । त्यसअघि म ठिकै थिएँ । सुन्थें ।

सांकेतिक भाषा सिकें
नेपालको गोलधाप शरणार्थी शिविरमा बस्दा मैले बहिरा तथा श्रवण शक्ति नभएका व्यक्तिहरूको राष्ट्रिय संस्थामार्फत नेपाली सांकेतिक भाषा (एनएसएल) सिकेको हुँ । शिविरमा सेभ द चिल्ड्रेन-युके तथा कारितास नेपालको सहयोगले गर्दा मैले सो भाषा सिक्ने अवसर पाएको थिएँ ।

मैले हाम्रो शिविरभित्र रहेका बहिरा, सुस्त श्रवण तथा अन्य अपाङ्ग व्यक्तिका लागि काम गरेँ । मैले ३ वर्षसम्म शरणार्थी शिविरमा अपाङ्ग कार्यक्रम केन्द्रमा रहेर सांकेतिक भाषा सिकाउनुका साथै अपांगता संस्थामा सहायक (एसिस्टेन्स) पदमा रहेर काम गरेँ । मैले नेपालमै कक्षा १२ सम्म पढें ।

दोभाषे प्रशिक्षण कक्षामा भवानी दङ्गाल
दोभाषे प्रशिक्षण कक्षामा भवानी दङ्गाल

अनि म अमेरिका आएँ
सन् २०११ अक्टोबर महिनामा म अमेरिका आएको हुँ । म न्यु ह्याम्सरको कंकर्ड आएँ, मैले नयाँ जीवनमा सफलता हात पार्न अमेरिकी सांकेतिक भाषा (एएसएल) सिक्न आवश्यक छ भन्ने महसुस गरेँ । यहाँ पनि सिक्ने काम रोकिन । मैले नर्थ-इस्ट डेफ एन्ड हार्ड अफ हेयरिङ सर्भिसेस तथा बहिरा स्वयंसेवकबाट अमेरिकी सांकेतिक भाषा सिकेँ ।

नेपाली सांकेतिक भाषालाई एनएसएल भनिन्छ भने अमेरिकीलाई अमेरिकी सांकेतिक भाषा, एएसएल भनिन्छ । एनएसएल र एएसएल धेरै फरक छन्, एनएसएलको भूटानी शरणार्थीबाहेक एकदमै थोरै प्रयोगकर्ता छन् ।

यसो भनौं न नेपाली-भाषीले नेपाली सांकेतिक भाषामा मलाई सङ्केत गर्नुहुन्छ र म अङ्ग्रेजी-भाषीलाई अमेरिकी सांकेतिक भाषामा सङ्केत गर्छु ।
यहाँ मैँले शरणार्थी शिविरबाट आएका हामीजस्ता अन्य सदस्यलाई उक्त भाषा सिकाएँ । अरूलाई सिकाउन त सुरुमा अलि गाह्रो भयो । तर सिकाउँदै जाँदा सजिलो हुँदै गयो ।

सांकेतिक भाषा शिक्षक र दोभाषे
हाल म सांकेतिक भाषाको दोभाषेको काम गर्छु । साथै अमेरिकी सांकेतिक भाषा सिकाउँछु ।
म कंकर्ड र म्यानचेस्टरमा सांकेतिक भाषा सिकाउँछु । अन्य समयमा हाम्रो राज्यका बहिरा तथा सुस्त-श्रवण भएकालाई परेको काममा मद्दत गर्छु ।
म अमेरिका आएका हाम्रो देश वा अन्य देशबाट आएका आफू जस्ता कान नसुन्नेलाई सहयोग गर्न चाहन्छु ।

मेरा आफ्ना कुरा
मेरो परिवार यहाँ ठुलो छ । तर हामी सरकारी घरमा बसेकाले छुट्टाछुट्टै बसेका छौँ । पहिला नेपालमा एकै परिवार थियो । अहिले चाहिँ हामी चार जना, जसमा दुई छोरा, एउटा ७ वर्षको र अर्को २० महिनाको र श्रीमती गरी ४ जना छौँ ।
म ३० वर्षको भएँ ।
म नेपाली, अङ्ग्रेजी लेख्न तथा नेपाली बोल्न सक्छु ।
मलाई हाम्रो परम्परा धर्मअनुसार मनाउँदै आएको दसैँ र तिहार मन पर्छ ।

अन्त्यमा धन्यवाद
अमेरिकामा मलाई सांकेतिक भाषा सिकाउन युआर भोकेसनल रिहाबिलेसन तथा नर्थइस्ट डेफ एन्ड हार्ड अफ हेयरिङ सर्भिसेसले सहयोग गर्‍यो । म यी संस्थाबाहेक भूट्नीज कम्युनिटी अफ न्यु ह्याम्सर, डिसएबिलिटी राइट्स सेन्टर र ग्रेनाइट स्टेट इन्डिपेन्डेन्ट लिभिङलाई धन्यवाद दिन चाहन्छु ।

(यो स्तम्भ ‘अक्षरिका’ को जुलाई, २०१५ बाट लिइएको हो ।  न्यु ह्याम्सरको म्यानचेस्टरमा साउथ न्यु ह्याम्सर एरिया हेल्थ एजुकेसन सेन्टरका तर्फबाट प्रशिक्षक फ्लोरेन्टिना डिनुले दिएको दोभाषे तालिममा सहभागी भवानीसँग स्तम्भकार तथा अक्षरिकाका सम्पादक राजेश कोइरालाले गरेको सवाल-जवाफमा आधारित आलेख हो यो । कोइराला www.koirala.com.np मा नियमित ब्लग गर्दछन् – सम्पादक)

LEAVE A REPLY

Please enter your comment!
Please enter your name here

Latest News

लेखनाथ जयन्ती सम्पन्न

ह्यारिस्बर्गः २९ दिसम्बरः आइतवारका दिन यहाँको स्थानीय साहित्यिक संस्था त्रिवेणी साहित्य मञ्चले नेपाली परिष्कारवादी कवि शिरोमणि लेखनाथ पौडेलको स्मृतिमा १३५...

More Articles Like This