बौद्ध भिक्षुलाई पाँचवर्ष कैदको सम्भावना

2
120

एकजना २४ वर्षीय बौद्धभिक्षु (लामा) लाई ७२ थैली खैनी बोकेको अभियोगमा पाँचवर्षको कैद सजाय तोक्ने तयारी गर्दै भूटान सरकारले आफ्नो ‘सुर्तीप्रतिबन्ध ऐन’ कार्यान्वयनको प्रभाव देखाउने जमर्को गरेको छ ।

सदियौं पुरानो एउटा बौद्धबिद्धालयका ती बेनामी भिक्षूविद्धार्थीले खैनी बनाउने सुर्तीका थैलीहरू बोकेर हिँड़ीरहेको अवस्थामा पुलिसले पक्राउ गरेको बताइएको छ । ती विद्धार्थीलाई आफूले बोकेको सामानको कर तिरेको प्रमाणित गर्ने भञ्सारको रसिद पुलिसले देखाउन भनेको र उनले सो अनुरूप देखाउन नसकेकाले उनलाई कानूनबमोजिम सजाय हुने बताइएको छ । ती विद्धार्थीले नजिकैको भारतीय सीमा जयगाउँबाट ‘ठूलो मात्रा’मा यसरी लागूपदार्थ किनेर ल्याएको सरकारी मुखपत्र क्युनसेलको ताजा संस्करणमा उल्लेख गरिएको छ ।

भूटानको सुर्तीप्रतिबन्ध ऐनबमोजिम जोकसैले एक महिनाभरि १५० ग्राम अथवा २०० वटा चुरोट बोकेर हिँड़्न पाउँछ तर, सोबारे भञ्सारमा कर तिरेको रसिद देखाउन अनिवार्य हुन्छ ।

यसै महिना लागू हुनलागेको धुम्रपाननिरोधक ऐनबमोजिम पनि उनीमाथि अवैध रूपमा लागूपदार्थ ओसारपसार गरेको अभियोगमा पाँचवर्षको कैद सजाय हुने सम्भावना रहेको बताइएको छ ।

2 COMMENTS