Saturday, September 18, 2021

We recently launched so if you see any technical glitches please email us at: dtimsina@bhutannewsservice.org

बिदानको ‘आइ मिस यु’ विमोचनको तरखरमा

Must Read

सी एम निरौला/ न्यु ह्याम्प्सर

सन् २००८ को तेस्रो मुलुक पुनर्बास कार्यपछि केही समय भूटानीहरू नयाँपन र बिल्कुलै अनौठो समाजमा हेलमेल हुन निकै कठिन भएको ध्रुव सत्य हो । यहि समयमा करिब ७० जना पुनर्वासित भूटानीहरूले आत्महत्यासमेत गरे । समाज अन्योलमा पर्‍यो- बिलकुल नयाँपन र बेग्लै भाषा जीवन शैली र रीतिथितिका कारण ।

img_2065बिस्तारै यो समाजले आफ्नो जरो हाल्न थाल्यो, पुनर्वास भएका अमेरिकी शहरहरुमा । समाजलाई सङ्गीतको आवश्यकता छ भन्नेमा दुई मत रहेन । सृजनकर्मीको एउटा शक्ति लागिपर्यो र अमिरिकी बजारमा नेपाली भाषाका गीति एल्बम ल्याउन थाल्यो ! मानिसहरूले बिस्तारै समाज बुझे । त्यसपछि पुनर्बास भएको एक दशक नै नबित्दै आफ्नोपनको स्वाद जताततै छ्यापछ्याप्ती भेट्न थाले ।

यसमा सबैभन्दा ठुलो श्रेय भूटानी सङ्गीतकर्मीलाई दिनै पर्छ। आजभोलि जताततै भूटानी गायकहरूको गीति एल्बम सार्वजनिक हुँदैछन् ।

केही दिनपछि न्युह्यमसार राज्यको मेन्चेस्टर शहरमा ‘आई मिस यु’ गीति एल्बम लिएर नवोदित गायक बिदान कालिकोटे आउने तरखरमा छन् । आगामी नबेम्बर १९ शनिवारका दिन इस्फ्रिङफिल्ड, माछाचुसेसमा एउटा कार्यक्रममा एल्बम बिमोचन गर्ने तयारीमा छन् उनी ।

यस गीति एल्बममा सातवटा गीत समावेश छन् | बिदानले यी गीतहरुमा नेपाली सङ्गीत आकाशका अन्य हस्तीहरूसँग सहकार्य गरेको बताए ।

“यी गीतहरू सबै मायाप्रेममा आधारित छन् र यो गीति एल्बम माया र प्रेममा भुल्नेहरुका लागि समर्पित गरेको छु”,भूटान समाचार सेवासँग कुरा गर्दै बिदानले भने |

राधिका हमाल र मेलिना राईसँग युगल गीत छन् भने अन्य पाँचवोटा गीतमा उनको एकल स्वर सुन्न पाइनेछ। यस एल्बममा नेपालका चर्चित सङ्गीतकारहरूले सङ्गीत भरेका छन्।

यस एल्बममा लोक र आधुनिक गीतहरू सुन्न पाइन्छ।

“मेरो ठुलो लक्ष्य हासिल भएको छ | जसरी यहाँहरूको साथ र समर्थनले म यहाँसम्म आएँ, अघि बढ्न पनि यस्तै साथ दिनुहुन्छ भन्ने विश्वासमा छु”, मन्द मुस्कानमा कालिकोटेले आफ्नो अपेक्षा सुनाए !

आफू कला र सङ्गीतलाई सधैँ माया गर्ने भएकाले सबैको माया पाए यसरी नै अघि बढ्ने प्रतिवद्धता व्यक्त गरे उनले ।

“वसन्त सापकोटा, रमेशराज भट्टराई र भूटानी सङ्गितकर्मी भीम विश्वा जस्ता हस्तीसँग काम गर्न पाउनु मेरो भाग्य हो”, गायक कालिकोटेले थपे |

कालिकोटे पुनरवासपछि गीति एल्बम ल्याउने पहिलो गाएक भने होइनन्।

 

Latest News

Elderly left in Bhutan refugee camp

Thirty years after they were driven out of Bhutan, and after spending all that time in camps in eastern...

More Articles Like This