Tuesday, September 21, 2021

We recently launched so if you see any technical glitches please email us at: dtimsina@bhutannewsservice.org

‘छाप्रो नं. ५५’ लाई अनेसास डायस्पोरा पुस्तक पुरस्कार २०१९

Must Read

बोस्टन । अन्तर्राष्ट्रिय नेपाली साहित्य समाज (अनेसास) बोर्ड अफ ट्रस्टी, पुरस्कार समितिले ‘छाप्रो नं. ५५’ (उपन्यास) लाई अनेसास डायस्पोरा पुस्तक पुरस्कार २०१९ प्रदान गर्ने भएको छ । समाजले यो घोषणा आइतबार (जुलाई २१) मा गरेको हो । अनेसासले अरू विधाका पुरस्कारको घोषणा गर्दा नेपाली-भाषी भूटानी लेखक रमेश दियालीको यो उपन्यास पनि छानिएको हो ।

अनेसासले पुरस्कार भानु जयन्तीमा घोषणा गरेर लक्ष्मी जयन्तीमा प्रदान गर्छ । ‘अनेसास सर्वोत्कृष्ट डायस्पोरा पुस्तक पुरस्कार’ को राशी १ हजार १ सय डलर छ । सन् २०१७ जनवरी १ देखि सन् २०१८ डिसेम्बर ३१ मा प्रकाशित विभिन्न विधाका १ सय ३६ पुस्तक दर्ता भएकोमा १४ मूल्याङ्कनका लागि अयोग्य ठानिएका थिए ।

दियालीको उपन्यास ’छाप्रो नम्बर ५५’ थोरै भूटान, धेरै नेपालको पथरी शरणार्थी शिविर, बेलडाँगी, आम्दा अस्पताल, उपचारका लागि भारत, अनि केही अमेरिका हुँदै एउटी दलित किशोरीको वरपर घुमिरहेको कथा हो । सिंगो उपन्यास शिविरको कष्टकर जीवन, जातीय विभेद आदिमा घुमेको छ ।

यसको प्रकाशन मञ्जरी पब्लिकेशन, काठमाडौंले गरेको हो । आवरण रंगीन छ र टाइम्स क्रियशन, काठमाडौंले सजाएको छ । सोह्र (१६) अध्यायमा बाँढिएको उपन्यासको मूल्य नेपाली रूपैयाँ ३१५ छ । पुस्तक एम्याजनमा पनि छ, र मूल्य २० डलर । २३२+४ पृष्ठमा लेखकको २ पृष्ठ मन्तव्य मात्र छ । बाँकी कथा छ ।

Latest News

बिएएससीको दशौं टुर्नामेन्ट अर्को वर्ष जुलाईमा

पेन्सलभेनिया । भूट्निज अमेरिकन स्पोर्ट्स काउन्सिल (बिएएससी) को दशौं टुर्नामेन्ट अर्को वर्ष जुलाईमा हुने भएको छ । संस्थाको १०...

More Articles Like This